Fjölmenning og inngilding
Fjölmenning og inngilding í íslensku samfélagi
Samfélög nútímans eru sífellt að verða fjölbreyttari, meðal annars með tilliti til uppruna, þjóðernis, menningar, tungumáls, trúar- og lífsskoðana. Vegna aukinnar alþjóðavæðingar hefur hreyfanleiki fólks aukist til muna og því eru flest samfélög orðin mun fjölbreyttari en áður var og eru því skilgreind sem fjölmenningarsamfélög. Íslenskt samfélag er engin undantekning þar á.
Fjölmenningarlegt samfélag kallar á ýmsar breyttar áherslur á öllum sviðum samfélagsins, eins og til dæmis í menntamálum, og það er mikilvægt að fólk sem starfar með börnum og ungmennum búi yfir þekkingu og hafi aðgang að þjálfun til að geta tekist á við stöðu jaðarsettra barna og ungmenna, meðal annars til að geta borið kennsl á birtingarmyndir jaðarsetningar, , fordóma mismununar og útilokunar og rutt úr vegi hindrunum fyrir virkri þátttöku þeirra og stuðlað að inngildingu allra barna og ungmenna.
Á ÞESSU NÁMSKEIÐI ER MEÐAL ANNARS FJALLAÐ UM:
Á þessu námskeiði er fjallað um stöðu barna og ungmenna með fjölbreyttan bakgrunn (með blandaðan/erlendan bakgrunn og/eða flóttabakgrunn) í íslensku samfélagi. Fjallað er um nokkur mikilvæg hugtök sem koma fram í umræðum um fjölmenningu og inngildingu, fjölmenningarfærni og menningarnæmi, mismunandi birtingarmyndir fordóma, mismununar og jaðarsetningar og annað mikilvægt sem snýr að samskiptum og starfi með börnum og ungmennum með fjölbreyttan bakgrunn og foreldra/forsjáraðila þeirra.
Einnig er fjallað um hvernig við stuðlum að virkri þátttöku allra barna og ungmenna í gegnum inngildandi leiðtogafærni og hvernig við ryðjum hindrunum fyrir þátttöku úr vegi með inngildandi aðferðum og verkfærum og hvernig við stuðlum að opnu, aðgengilegu og inngildandi starfi og samfélagi.
FYRIR HVERJA ER námskeiðið?
Starfsfólk og stjórnendur í skóla og frístundastarfi, íþrótta- og tómstundastarfi, aðra sem starfa með börnum og ungmennum sem og aðra áhugasama. Námskeiðin eru ávallt sérsniðin að hverjum hópi og hægt er að óska eftir sérstökum áherslum, eins og til dæmis málefni fólks á flótta og stöðu barna með flóttabakgrunn.
Á námskeiðinu er ávallt stuðst við nýjustu rannsóknir, kenningar og gagnreyndar aðferðir.
Starf með börnum og ungmennum með flóttabakgrunn
Á þessu námskeiðið er fjallað sérstaklega um málefni fólks á flótta, stöðu flóttafólks í íslensku samfélagi, hvað er mikilvægt að leggja áherslu á í starfi með börnum og ungmennum með flóttabakgrunn (meðal annars með tilliti til reynslu þeirra á flóttanum og áskorana í nýju samfélagi), stöðu þeirra í skólasamfélaginu og þátttöku í frístundastarfi, hvernig við stuðlum að inngildingu þeirra, virkri þátttöku, farsæld og velferð.
FYRIR HVERJA ER námskeiðið?
Starfsfólk og stjórnendur í skóla og frístundastarfi, íþrótta- og tómstundastarfi og aðra sem starfa með börnum og ungmennum og aðra áhugasama. Námskeiðin eru ávallt sérsniðin að hverjum hópi.
Á námskeiðinu er ávallt stuðst við nýjustu rannsóknir, kenningar og gagnreyndar aðferðir.